بعد شفتني في جنيف والشوق مثل السَـم
في قلب الذي ما يقدر يواصلك في جنيـف
لا تسأل عن جــروحـي ولا تقـول لي مهتــم
جواب السؤال اللي طرحته ما اظن يضيف
حلــولٍ لمشكلتــي مَـــعَ هجـــرك اللـي لَـــم
أحسبـه حقيقـي بل حسبتـه مجــرّد زيــف 
كنـوعٍ مـن انــواع الدلــــع والتغـلـــي أم ..
كنـوعٍ من الغـيــره علـي من بنــات الريــف
ياليـن الثــرى وجبـالــه النايـفـــات الشـــم
بريـفــه ومدنـــه قالـوا اللـي تحبّـــه طيـــف
علـى مركـب الهجــر فْ بحــر بعد مالـه يَــم
ترحّــل ترحّــال الشـتـا يــوم جـاه الصيــف
سـؤالك غلـط ، تسأل عن جـروح قلبي كــم؟
مـن الواجـب انّـك تسـأل جروح قلبي كيــف
هـل جــروح قلبي جات من صـد والاّ هَــم ؟
مـن همــوم دورات الزمـن والزمــان مْخيــف
هـــذا أولا .. وثـانيـــــا : يا ثـقـيــــل الــــدم
همـــوم الخـلايــق ، كــل هَــمٍ ولــه تعريـــف
وهــمٍ يخـــص ، وهــم بـيــن العـبــاد يـعــم
وهمٍ يجي تكليـف ، وآخــر يجــي تشريــف
همــومٍ توصّـيــك السهــر ما يفيــدك ، نِـــم
وْهمـــومٍ تخلّــي جفنــك مْـن المنـام مْعـيـف 
عمومــا .. حبيـبـي شو تبي من عيوني تـم 
جروحـــي حقيقـيــه ، وحبّـك هـو التزييــف