مـنابـع دمـوع المحـبّـيـن عـيني
تبكي على نفسي وتبكي على الغير

وعـن الغـلا يا ساريـه خبّـريني
هل عاد له في قلوب الاحباب تأثـير

قلب الفراق اللي غدى له حنيني
ضـمـيان والقِصّه ماهي جمّة البير

لكـنـّها شـوقٍ يـدفــّـه ضـنـيـني
يالله عـساها ما تـطـول المـشـاوير

نـوّارتي .. تجـمّـعي واجمعـيني
وتغـطـرسي على جمـيع النـواوير

مالي عذر حتى أقول اعـذريني
بس احفظي تركـيبة البيت الاخير

أشـرف مثـل مقاصده تحـتويني
قـل العـطا .. ولا كـبـار المـعـاذير

خلـّي علامات الشـقا في جبيني
عـطر وْبساتين وْورود وْعصافير

أبي أشوف العـيد في مقـلتـيـني
وآركـّـب لقـلبي جـناحـين وآطـير

وابي أعـيش العمر ما عاد فيني
أصــادم الأيـّــام والاّ الـمـقــاديـر

يا مشغـلـة خـط الغـرام اشغليني
تـراي جــــــوّالٍ بـلـيـّـا فــواتـيـر

تمـرّدي على النظر وسط عيني
وتـعـدّدي عـلى وجـيـه الجـماهـير

لان المــنام اللي بغـيـته يجـيـني
عـيّـا يجـيني لين مـسّـيت بالخـيـر