من يجيب (الهَاْتْرِكْ) بْـ (سَيح السَّلَمْ)
ومن لعزمه تنحني روس الرجال

غـير ذاك اللي رقــى روس الـقـمـم
نـال مطـلـوبـه .. ولو حتـّى محال

به قـلـيـلـه يا مــلا كـلـمـة ( نِـعِـمْ )
دام فعـله صار من ضَرْب الخيال

الشـّهـم ولـد الـشـهـم ولـد الشـهـــم
زاكـي الجَــدّيـن مـن عَــمٍّ وخــال

سـيـّـدي سِـيْـد الـشـجاعه والكـَـرَمْ
والـشـهـامـه ما بهـا قـِـيـْـلٍ وقــال

نــادرٍ ما لـه شـبـيــهٍ فـي الأمــــم
والـنــداره ما تـجـي إلاَّ بـْـقــــلال

العـدو من هـيـبـتـه يوقـف صَـنـَمْ
وما تـمـاري قـوّتـه صُــمّ الجـبـال

والله انـّه للـنـصـر أصْـعـَبْ رقـم
والـشـهـاده عـنـد هـذيـك الـتـــلال

الـمهــم الـفـوز والـشـيّ الأهـَـــمّ
إنـّه بـفـوزه غـدا مـضـرب مـثـال

طالـبـنـّـك سـيـّـدي وتـقـول .. تَمّ
كـافيٍ .. وافـْـتَح لغـيـرك هَالمجال