لـمّـني في محـجر عيـونك حبيبي وخلـّني
خلـّني آشـوف نفـسي في عـيونـك واطـمئن

دامك ان سلهمت بالرمش الظليل تفلـّني
لعنبو ذا الرمش كيف انّي من اسـبابه أجن

حبّـك اللـّي تـلّ قـلـبي من بعـد ما تـلـّـني
صـدق انا ميّـت بحبّـك كانها عـيـونـك كفن

إجـمع اللـّي باقـيٍ مـنـّي شـتـات ودلـّـني
شوفـني ذاك الغـريب اللي يـدوّر عن وطـن

صـدّك اللي هـدّ حـيلي والجفا لي علـّني
ليه قـلبـيـن الـمـحبّـه بالـمـحبّـه ما التـقـن

قلت اباصبر والصبر من زود صبري ملني
وقلت ابانسى واثر طيفك صار له عقلي سجن

ضـاعت دروب الـمحبّه والحزن ما ضلـّني
ياحسافه ذي الليالي ، ذي الليالي ما انصفن

لا تهـلّ دمـوع من عـينـك أخـاف تهلـّني
خايف اطـلع من عـيونك لا من فـْ يـومٍ بكن