لا تـغـرِّك ضـحْـكـتي .. والاّ اسْـلــوْبـي
أعْرف عْـزاز النفـوس مْن الـرديِّـه

كَمْ وفوا لي ناس وكَمْ ناس اغدروا بي
وْكَمْ كسَـبْت بْـطيب نـيَّه سـوء نـيَّـه

نـاس .. مِن كـثر المـخـَادَع ما تـْتـوْبي
وْنـَاس بـيْـضان وْصـدَاقـَتـْها نـديَّـه

وْناس ٍاغلتـني ، وناس اغـلت جيوْبي
وْنـاس ٍ تـْطـالـع ، ولـكـنـْها عـمـيَّـه

كل هـذا .. والـجــروح تـْزيـد صـوْبـي
والمـجَـامَـل والتـَّمَـلـُّـق والـخَـطـيَّـه

ما يغَـيـِّـر ضحْـكة الـوجْـه الشـحــوْبي
مَـد يـمـنى دوم ماهي مـوسـمـيَّـه

ودِّي انـِّي أعْـطـي الـمـحْـتــَاج ثــوْبـي
واعـطـي وَلا انـْتـظِــر رَدِّ العـطـيَّــه

ما اجْمَع العَـالَم وَلا اقـول اسْمَعـوا بي
نفـْسي مْن اطـْرَاء خـلق الله غـنيَّـه

في بـَعَـض الاشـيـاء أتـْقـَـدَّم وانـوْبـي
عَن بـني آدم جـمـيـع وْعـن بـنـيَّــه

سَـجْـــــدةٍ تـَغـْـفِـر بَـها كـلّ الـذنـوبـي
خـيـر مِن عـيْش الحـيَاه القـاحـليَّـه

وْيَا مْسولفْ بي على الطرْق الكذوْبي
عاقـَب الله من ظـلـَمْ نـَفـْس ٍ بريَّــه

وْيَا صحـيب الخيـر يامثـبِّـت طـنـوْبي
النصـيْـحَه روح الايـْمَـان الـقـويَّــه

الصَّحـيْح مْن العـيـوب اللي تـشــوْبي
قـوْلـَها في الـوَجْـه ، والنـيَّه مطيَّـه

بَـارك الله في مـن اهْــدَاني عـيــوْبـي
واشـْكرَه جـِداً على هـذي الهـَـــديَّه