لا تلعَـن الفـقـر يالشَّاعِر وَلا تـشْـرَه
رَسـول الامَّه فـقـير وْمَنْهجه سَامي

لو كل وَاحـد حـزيـن تـْحـدَّه العَـبْـرَه
لقـيْتـني أبْكي ظنوني على اوْهَامي

لكنـِّي اصْبر على الشوق وْعلى أمْرَه
وَاصد عَـنـَّه حـبيـبي لو أنـا ظـامي

أسَـابق اليوم مِن فجْـرَه إلى عَـصْرَه
واحَلـف والله ما تـَسْـبـقـني ايَّـامي

أسْتـثمر اخـْطاء هذا اليـوم إلى بكرَه
عشان ما تتعَب من احلامي اقدامي

والحب جَمْرَه على جَمْرَه على جَمْرَه
والبُعْد عَن من تحب الميْسَم الحَامي

والزين ماهـو بْـزين الخَـد والبَشْـرَه
الزين زيْن الخُلق والعَاتـِق السَّامي

مْـدَاعـبات القـصـيد المَـرْنَه الخـَطرَه
تـْنَـشـِّـط الـدَّم بي وتـزيـد بالهـامي

قِد قال شيخ الشيوخ اللي سبَق عَصْرَه
(يا مَرحـبا يا معـنـِّي خَط الاقـلامي)