إنت اوّل انسـان اعشـقه في حياتي
والحين تبغي الصدق ما عدت الاوّل

عـشـقت غـيرك وانمحت ذكريـاتي
مَع دمـعي اللي يوم هـاجـرت حوّل

ماهـو مـهــــم اكــون أوّل وثــــــاني
أهـــم شـيّ اكــون شـيّ فْـ حـيـــاتـك

إن كـان قـلـبك ياحبـيـبي نسـاني
أرجــوك لا تـنـسـاني بـذكـرياتك

طـوّل في هـجرانك علي لاتـحاتي
ما عاد يعـنيـني لو الهـجـر طـوّل

أغـنّـي فْـراقـك بصـوت الآهـاتي
والـقـلـب من زود الـونـاســه يمـوّل

أخاف اطوّل بالهـجر فـي امتحاني
ما اقدر أطوّل في الهجر من غلاتك

دامـك خبير فْـ لحن بعـض الأغاني
باعطـيك آهـاتي غنّـها مـع أهـاتك

العام تصـبح في الخـفوق وتبـاتي
واليوم مـعـلن فيه حضـر التجـوّل

أنـا اعـرفـك حـالي وسكّـر نبـاتي
حـالي ومن زينـك أهـلك تْـهــوّل

الـعــام حبّـك بين عـوج الـمـحـاني
ما زال ثابـت وانت تعـرف غــلاتك

وانا اعرفـك إنـسـان ما انت بْأنـاني
لان الأنـانـيّـــه ماهـي مـن صـفاتـك

لكن .. لو كنت أجمـل الفاتنـاتي
إلـحـبّـك آنـا مـسـتحـيــل آتسـوّل

هذاك أوّل يوم كـنت فْـ حـياتي
والحين جا غيرك ولا عدت الاوّل

وانـته بعـد لو كـنت فـارس زمــاني
تـجـبـرنـي الـعِـزّه أسـوّي ســـواتك

ما فـيــه لا أوّل .. ولا فـيـه ثـــــاني
غصباً عليك آنا الوحـيد فْـ حـياتك