تعال يا وجه السعد واشطب على الوجه البغيض
يا حيّـك و طلـّـتك في وجهـي بعـد يا حَـيّها

تنعـشني انعاش الشفاء العاجل لقـلب المريض
يا أيّها .. تـدري يالبـّيك انت وش يا أيّـها ؟

ما انته بـزيّ الناس واكـتبها لك بخـطٍ عريض
تبغيني احلف ؟ لا ورب البيت ما انت بزيّها

ياللي غرامك في خفوقي من كثر قـدره يفيض
النفـس تـنـدب حَـظـّها والعـين تـبكي حيـّها

من عوضك ليا فقدتك؟وان وجد كيف استعيض
وانت النهار وشمسه وشجْرة غلاي وفيّها

هاجرت واصبح زولك فْ عيني يهاجرني وميض
يـا أوّل جـروحـي دخـيــل الـله من تـالـيـّها

أحيا على وصـلك وامـوت بكل بـرد وكل قيض
تضـما مشاعر خافقي لك وانت سبّـة ريّها

لبّيك ياللي من عشقـتك قمت احس اني حظيظ
يامغـويٍ نفـسي ونفـسي ذايـبه من غـيّها

أنا اعـرف انْ كل اللـيالي سـود والأيـّام بيض
دامـك معي ما هـمّـني في كـثرها وشويّها