الورده ارتاحت
إذا طاحـت الـورده من يدينك إتـركـهــا
لأنها إذا طاحــت من يْدينـك ارتـاحــت
واذا طاحت الدمعه من عيونك امسكها
أخاف الـمقـام يطيح معها إذا طاحـــت
ولا تـقتـفي لك فرصـةٍ ما انت مدركــها
تصبّر ، ترى فرصَـتْك للحين ما تاحــت
واذا مرّتـك فـرصـه ، وتـقـدر تـملّـكـهــا
إخذها عــوض في فرصةٍ قبلـها راحــت
غيوم السمـا وسط السما بيد سامكـهــا
ماهو شرط تـمطر لك لو بْروقها لاحــت
ونفـوس الرجال النخوه اللي تـحرّكـهــا
لو صـدورها باسـرارها ما بَعَـد باحـــت
ألـم تعلـم أن جـدودنا فـي معـاركـهــا
تضحّي بالانفس للعفيفه ليا صاحـــت
