آسف على التأخير
مساء الخير .. ودّي قبل لا ابدى .. أعتذر منكم
سعيد انـّي حضرت الليله .. وآسف على التأخير
صراحه..ما أعرف شلون اعـبّر..بس أشكركم
مثل هذي المواقف شي طبيعي يخونك التعبير
أطالعكـم .. واقول فـ خاطري .. ياليتني معكم
تعرفـون اللي عنده شيّ ما يـخـلا من التفكـير
على كثر القصايد .. بس ما ادري ويش اسمّعكم
لأنـكـم غـير..ما ودّي أقـول الا قـصـايـد غيـر
ترى هذي قصيده .. بس .. كنت أبغي أداعبكم
ومرّه ثـانيه يامرحـبا .. و آسـف على التـأخـير
