حبـيـبتي مـرّت على بـالـي الـيـوم
وْ وقّـفــت تـقـديرٍ لـها يوم مـرّت

جابت لي الفرحـه وانا كنت مهـمـوم
الظـاهـر انـها عـن عـلـومي تـحـرّت

وفراقـها كـوّن فـي خـفّـاقي غـيـوم
أمـطـــارها عـلى الـفـيـافـي لا خـرّت

تـنـبت من الأزهـار ما كان مـعـدوم
وتسـر نـفـسٍ من زمـن ما اسـتـسـرّت

فـي حبّـها حـسّــادي تـكـثّـر اللـوم
وهي ورا عـوج الـضـلـوع اسـتـقــرّت

أحلـم بها وآطـيح فـي النوم وآقوم
فرحان .. لكن فرحتي ما اسـتمرّت

إلى صـحـيت آعاتـب الـحـظ وآلـوم
الايام .. والأيـام مـنـها تـبــــرّت

الهـجر طـعـنة خاين بْسيف مسمـوم
نـفسـه على فـعـل الـخـيانـه تضــرّت

ومن يحرم مْن العشـق يعيش محروم
كـم روح من قل الوصـال استـضـرّت

لا جيت انام .. النفس ما تعشق النوم
حـاولـت اقـنّـعـها .. لـكـنـها أصـرّت

تبـغي حـبيـبة قلـبـي الـغـالــيه دوم
تمـر فـي بـالـي ، وآوقّـف لا مـــرّت