والله لخـلي السنين الـماضـيه تعـني
ووادع النـاس وارجـع وآخـذ الـمعنى

يمكن حـبيبي إذا غـنـّيت يسمعـني
قبـل البـحر ياقـلوب الشوق تبـلعـنا

اللي خـذانـي وعـيّـا ما يـرجّــعــني
والـدرب مجـهـول والتفـكير ضيّـعنا

يدفعـني الشوق لـمـواصله يدفـعـني
تـبادل العـشـق هو سـبّـة دوافـعـنا

تدرون قلبي على هجـره ما طـاوعني
الـنـاس تـعـذل وحـنـّا ما تسـمّـعـنا

لا قلت احبّه تراه الصاحب الـمعـني
واللي مع الـهـجر طبعاً ماهـو بْمعنا

لا قال دعـني وانا ما قـلت له دعـني
ياليـن سـالت من الفـرقـا مـدامعـنا

حتى في يـوم الـمـوادع يوم ودّعني
بكـت جمـيع اللـيالي مـن مـوادعنا

الله يـمتـّعـك بلـقـاي و يْـمتّـعـني
والقـاك والسحب تمـطر من تمتـّعـنا