يا صـباح النـور .. من بعد العتيمه
ويا صباح النرجسي من بين ثمره

وياصـباح الخيـر والـورد وْنـسيـمه
ويا صباح العـود الازرق فوق جمره

ويا صـباح العـِز جعـل الله يـديمـه
من بعـد ليـلٍ خـذيـنا فيـه سمـره

أعظم الاحساس للناس العظيمه
وللـعـقـل زمـره وللـخـفـّـاق زمـره

والوصـل يا صاحبي مثـل الغنيمه
ليه تنـسى واحـدٍ معـطيك عمـره

الغـلا مثل الندى والشوق ديمـه
وانت بُـن العـاشق وْهـيله وْتمـره

والولـه ماهـو بنـصـر وْلا هـزيمـه
ما انت قادر تهـدمـه حتى تعـمره

الوصـل من بيـننا ماهـو جـريمـه
الوصـل بامـر الولـي والهـجر بامره

والخجل في خدودك البيض الحشيمه
كاسيٍ لون البيـاض شويّ حُمـره

تدمع عيوني من الذكرى القديمه
والحزن ينساب في القلب ويغمره

شوف قلبي نار فرقاك ف صميمه
جمر فحم وجمر رمث وْجمر سمره

استقم على الدروب المستقيمه
روح مـكّـه واخـذ لك حـجّـه وعمره

دايــمٍ قـمـرا نـوايــاهـا سلـيــمـه
ليه قـلبـك ما يـسوّي مثـل قمـره