search
  • audio video
    0:00
    محيط افكار
    محيط افكار

محيط افكار

شاعرٍ بواخر أفكاره تلاطم في محيطه
قبل ذكره يشتهر ويصوّرونه للمجلّه
يوم شاف البرق والرعّاد له نبره سليطه
قال للهاجوس سِل السيف للمعنى و سلّه
أمطرت رحمه من الله وابتسم ثغر البسيطه
إبتسامه خلّت الولهان من حق يْتولّه
يا حبيبي والبنادم يْـتأثّر من محيطه
لو أحاسيس المودّه في ضميره مستقلّه
ما اقدر آحدّد سيول الغيم في ظهر الخريطه
إنّما حبّك في قـلبـي أقدر آحدّد محلّه
الهجر جرحه يدين مواصلك تقدر تخيطه
وانا اشوف اليوم هذا فرصةٍ للوصل .. يالله

من يدري لعل الفكرة العظيمة التالية تكون فكرتك أنت!

ajax loader
تم الإرسال بنجاح
© 2018 سمو الشيخ حمدان بن محمد بن راشد آل مكتوم | جميع الحقوق محفوظة