search
  • audio video
    0:00
    هديل
    هديل

هديل

يا ناعـس العينين أبو وصـلٍ زهيد 
عسى سـتار الهـجر فوقـه ينسـدل
القلب لك أطوع  من الخاتم بالايد 
والشوق من سِـرب القطا لرضـاك أدل 
ينقـل ودادك من وريـد الى وريـد 
ويذوب لا سمع الحميمات تْـهدل
 وأهل الثـياب الفاخرة ماهي تحيد 
عن الوصل كذلك اصحاب البدل 
كما عطاك الله من الجسم الرغيد 
متـطرفٍ بعـضه وبعـضه معـتدل 
أعطاني القدره على بدع القصيد 
اللي علـيه امّـة محـمد في جــدل 
قفلت باب الوصل يالترف العنيد 
قصدك ما  عاد اشتاق لك لكن بدل 
ما الشوق لك ينقص اشوف انه يزيد 
الظـاهـر ان البـاب ما صكّـر عـدل
 عيّد معي يا صاحبي في كل عيد 
يحيا الغلا يحيا الوفا يحيا العدل

من يدري لعل الفكرة العظيمة التالية تكون فكرتك أنت!

ajax loader
تم الإرسال بنجاح
© 2018 سمو الشيخ حمدان بن محمد بن راشد آل مكتوم | جميع الحقوق محفوظة