لك حـروفي قصـيد وْلك قصـيدي شعور
ولك شعـوري خـفوقٍ نبـضه الحَيّ إنتي

وْلك غلا في صَميم الروح حَاضر حضور
واشهد انك بقـلبي وْلا عن العـين غـبتي

يا سَـنا الكـون كلـّه والعـواطـف بحُــور
يا ظيا العـين ياللّي في وَسَـطها سكـنتي

يا بَعَـد كل من لي يـا أريــج الـزهـــور
يا اعذب حروف تظهر في كلامي وصَمتي

يا شـعاعٍ تجلـّى وْلا على الـنـور نــور
بَسّ ما غـير نـورك يـظهـر ليا ظهـرتـي

وْيا مـلاكٍ خـلـقه الله لعـمـري ســرور
وش تـفـيـد الحـياه بْيـوم لامـن زعَـلـتي

أعتذر لك ياعمري ولو بعذري قصور
وانتي قدرك عَ راسي وْلاحشا بيوم هنتي

إبسـمي يعـل ربّي يحفـظك م الشـرور
تـبتـسم لي حَـياتي وقـت فـيه ابتـسـمتي

إن زَعَـلـتي عَليـّه كن كـوني مْهـجـور
وان رضـيتي تـسابق ابتـسامي فـرحـتي

إنحَـنَت لك قصـيده ساجـده عَ السطور
كثر ما انتي بمَكّه يا اطهر الناس طفـتي