حب المطيّه
يوم تسألني على حب المطيّه
كيف اعشق ركضها واعرف ضمرها
السبوق ، النادره ، العدمليّه
اشتري ثرها لو ان يبتاع ثرها
لو ثمنها فوق ، ماتغلا عليّه
المهم آضع شعاري في ظهرها
أقنص الحقّـه وعيني للقـيّه
أسبق القانص قبل يسمع خبرها
وان لقيت أم الوصوف العالميّه
اطلب الله ياعساني ما اخسرها
سبقها غبّة بحر واكثر شويّه
والمضمّر ماقـدر يوصل غـزرها
هكذا و( العاصفه ) دايم غنيّه
بالجيوش اللي مايحتاج اختبرها
ماتغيب من الرموز الموسميّه
تاخـذ اكثرها إذا ماتحتكـرها
