الايام شي يوم تسعاله ويـومٍ ممر
وايام .. الايام مخلوقه على شانها

تـدور الايـام بس اليـوم هـذا الامر
الايـام توقـف .. ويتوقّــف دورانها

من يبذر البذر لابـدّه يحصِّـل ثـمر
والعـالم الواعـيه ياطـيب بسـتانها

يامهبط الوحي عيدك عيد زيد وعمر
وتكاتـف الـمسـلمين بقـوّة إيـمانها

في ظل بومتعب اللي جوده الي انهمر
اتربّع ارض الـمحل وتفيض وديانها

نقدم لعيناك لو فالدرب شوك وْجـمر
والـمعـركه حِن نهار الحـر فرسانها

لكل حاجه عـمُر وانتـه طويـل العُـمر
مجدك ماهو بس في أرضك وسكانها

يا موطن الفخر مجدك فوق سطح القمر
في يوم عيدك تعـز الأرض انسانها

تـراك ياخـادم البيـتيـن حـبّـك غـمر
قـلـوب شعـب السعــوديه وجـيرانها

منها لك الطاعه العميا ومنك الأمر
ومعاهدات الوفا لاعاش من خانها