هــدّاد
هـدّاد مالك فرق عن صـالي النار
والـنـــار فيـها منّـك وْ فيك منـها
انت اللهب منك على الخرب لاطار
مثل لهبها والحطب في بطنها
صـيدتك ما يحـتاج قبـرٍ وقبّــار
ومن ريشها نـقدر نسوّي كفنها
فيك الوصايف خلّت العقل يحتار
مناكـبك والعنـق والعـين كنـها
عين السبع لاحدّه الجوع ثم غار
على الفريسـه وان بغاها ضمنها
واللـون فيه مْن البَـرَد يوم ينهار
من غيمـةٍ بطن السما يحتضنها
والصدر كنّـه خامة احرام زوّار
الـ مكه اللي من تضـايق زبنها
ياطـيرنا لو صار فالوقت ماصار
دامك وفي خوّتك ما اصد عنها
أمّـا إذا ياطـيرنا صـرت بَـــوّار
ونسيت عشره مانساها زمنها
بقول ماقال الزلامي فالاشعار
أبيـعـها وابيــع حتـى ثمــنـها
