نفـوســنا ماحـدٍ يـدري بغـاياتـها
وقلوبنا من هجر الأحباب فيها وسم
قمّة جنون الحياة فـ بعض لحظاتها
إنّـك تمنّى حـياتك روح بْلا جسـم
واللي وقف يرقب الغيمه وزخّاتها
بالعاطـفة والـمودّه مهجته تتّـسم
طبيعة الـمنظـر الخـلّاب في ذاتها
قد تجبر اللي يناظر لجلها يبتسم
والفـاتـنه اللي تثـيرك في تلفّـاتها
من كل شيٍ جميل الله عطاها قسم
لو جيت ترسم فقط تبسّم شْـفاتها
تحتاج رسّام أو تحتاج حِصّة رسم
النحر كامل دسـم ، تعكـسه مرآتها
لكن خصرها هو الي فيه قلّت دسم
ذكر إسمها في القصيد يزيد لوعاتها
يكفي غرامي لها لو ما ذكرت الإسم
هي أجـمل مْن الحياه وْمن ملـذّاتها
محتاج أقسم قسم وإلاّ بلاش القسم
