للحزين اللي طغى حزنه و حارب جيله
في رساله عبّرت عن ما يكن و نصّت
في بدايتها على جور الزمان و ميله
وفْـ نهايتها على غدر الأحبّه خَصّت
إنني متعاطـفاً جـداّ وانا أدعـي له
إنما من يجهل التاريخ يحضر حصّت
من يُدرّس منهج التاريخ واليحكي له
الـمحبّه في قلوب اهل الـمحـبّـه شصّت
لا تصافح غادرٍ بالغدر زاد الكيله
واخبره إن الليالي لو تسر إقتصّت
خذ مثالٍ واضح و معقول ما يبغي له
غير إِنَّكَ تستمع كنّك علي تتـنصّت
لو يقص السيف كف اللي سرق في ليله
يمكن العَبْره في حلق اللي يشوفه غَصّت
الحزن واجب لكن العلم في تفصيله
لا تقول شْلون قصّت قول وش له قصّت
من يحلّـل شي ما هو يفهمه تحليله
يدْحَرَه تحليل ناسٍ للعلوم إختصّت
وْكان تبغي تفهم الواقع مثل فهمي له
إسمع القصّه من أهل التجربه لا قصّت
وإسأل أهل العلم والجاهل ما عنْدَه حيله
الشـريعه في وصاياها بذلك وَصّت
جاه ردّي في رساله واضحه منّي له
آتمنّى من حروفي ان تكون إمتصّت
الغضب من قلبه اللي كل هم  يْشيله
والجروح اللي على حدب الضلوع إنرصّت