في ظل من يسجد لجاهه عبيده
والاعمار تمضي والليالي مقيمه
واللي يقول اللي خذ المجد بيده
الـمجـد ما يـوخــذ بلـيّا عـزيـمه
سـلام يـنبض بالـفخامه وريـده
كـلّه عـلو و فـيه قـدر وحـشيمه
يـنصاك ياشـبل الأسـود العـنيده
يا ابن الكـريم ويا سلاله كريمه
ماجد مليك المجد ، والمجد عيده
عـلاقـتـه مع التـقـدم .. حـميـمه
يزخر بالاعجاز الخـيالي رصيده
بفضل من يحيي العظام الرميمه
فـريـد وانجـازات فـعــله فـريـده
عـظـيم ويحـب الفعـول العـظيمه
حـثـّيت رجـلك والمـسافه بعـيده
والعقل ناضج والجوارح سليمه
خطوه فدائيّه .. وخطوه سديده
طوّلت في الغـيبه وجبت الغـنيمه
الناقـص بفعـله فـعـولك تـزيـده
والزايـد فعـوله معـك دون قـيـمه
مالك شـبيه و كل فـعـل ٍ تجـيـده
قلـّي من اللي يْقول بانك خصيمه
وشلون أحفر فكرتي في قصيده
وابوك من مجده على متن غيمه
لكـن .. تـأكـيـد العــلـوم الأكـيـده
يحـتـاج له شـهـادةٍ مسـتـقـيـمه
قـرّرت أنشـرها بوسـط الجـريـده
لاجل يغـنـّيها السحاب ونسـيمه
في كل عـام تجـيب فـرحه جـديـده
وتـكمّـل امـجاد الجـدود القديمه
السيف في إيدك عبد يخضع لسيده
ويدك تزيد السيف رونق وقيمه