إنتـه ذهـب من دون ما تلـبـس ذهـــب
وش لـه تـروح الـســوق وتـدوّر عـلـيـه

سـبـحـان مـن سـوّا .. وْجَـلَّ مـن وهـــب
حــــلاك بـيـدينـك كأنـّـك مـنـتـقـيــه

شـفايـفـك جـمـره .. وثـغـرك من لـهـب
خايـف على خـدّك لهـب ثغـرك يجـيه

لو كان رمـشـك يـنـّـهـب .. كـان انـّـهــب
من كل عاقل شاف رمشك .. أو سـفيه

لا ترتـهـب مـا فـيـه واحـد يرتـهـــب
مـن واحـد يْـحـــبّـه وخـفـّـاقـه يـبـيــه

أنا فـْ مـهــب الـريــــح إلاّ انـت فـْ مـهــب
شـوق ٍسـكـن قلـبـي وقـلـبـي مـحـتـويـه

ذهـب مـعـك قلـبـي .. يالـيـتـه ما ذهب
لا قلـت عـوّد قـال انـا بـامـــوت فـيـه

تـدري وش يْخـلـّي جـروحـي تلتهـب ؟
إنـّي أخـلـّي شــــيّ .. وآنـا مـشـتـهـيـه