مفروض لا قلت عنـّي سالفه قلني
مع فـعـول الرجاجيـل أذكر اسـماها
ما ابيك لا انته ولاغـيرك يـجاملني
أنا اكبر مْن النفـوس وْمن محاباها
في خاطرك شيّ لي تعـال واسألني
لا تـحـكم بغـيـب نفـسـك وترضـّاها
لا تـنـوي انـّك بأسـلـوبـك تـقلـّـلني
تـرى الله يْحاسـب الـناس بنواياها
وتراك ما انته بتـفـرحني وتزعلني
لان الحـقـيـقه حـقـيـقه لو تـناساها
والفرق بين تجاهـلني .. وتجهـلني
كبـر البسـيطه من اقـصاها لأدناها
أنـا اللي عـقـول مثـلك ما تحـلـّلني
ألله خـلـق خـلـقـه ومـيّـز مـزايـاها
خـلـقـني بهالـزمان إللي معـلـّـمني
كـثرت حكايا الرجال وقلّت احلاها
تـنـزيـل مثـلك لـقـدري ما يـنـزّلـني
ما كـل حـاجـه تـمـنـّاها با تـلـقـاها
في عيون بيض الوجوه الله مجمّلني
أنا احـشـم اشـنابهـا وآدسّـم لحـاها
لا تـعـتـذر لي ولا ترجـي تواصـلني
ولا تلحق الذنب مدح وتقصر خطاها
مـدايـح اللي ســواتـك ما تـوصّـلني
لو تمطر الأرض ماوصل السما ماها